20:53, 15 Қазан 2020 | GMT +6
ҚР Президентінің Семейге жұмыс сапарынан видеошолу жарияланды
СЕМЕЙ. ҚазАқпарат - Мемлекет басшысы Қасым-Жомарт Тоқаевтың Шығыс Қазақстан облысы Семей қаласына жасаған сапарынан видеошолу жарияланды, деп хабарлайды ҚазАқпарат.
Еске салсақ, бүгін таңертең ҚР Президенті Семейге жұмыс сапарымен келді.
Қасым-Жомарт Тоқаев «Ұлы ақын Абай ұлдарымен» ескерткішінің ашылу салтанатына қатысты. «Хакім Абайды біртұтас ұлт болып ұлықтау – біздің перзенттік парызымыз», - деп атап өтті шара барысында Мемлекет басшысы.
Сондай-ақ Президент абайтанушы ғалымдармен кездесіп, «Абай-Шәкәрім» мемориалдық кешенін аралап көрді.
Бұдан бөлек, Қ.Тоқаев Семейге сапары барысында жалпы көлемі 203 гектарды болатын Қарағайлы ықшамауданында салынып жатқан құрылыс жұмыстарының қарқынымен танысты.