ҚР Президенті: Швейцария - Қазақстан үшін инвестиция көлемі бойынша Еуропадағы негізгі әріптес

None
None
НЬЮ-ЙОРК. ҚазАқпарат - БҰҰ Бас Ассамблеясы 74-ші сессиясының алаңында Мемлекет басшысы Қасым-Жомарт Тоқаев Швейцария Президенті Ули Мауермен екіжақты кездесу өткізді, деп хабарлайды Ақорданың баспасөз қызметі.

Кездесу барысында мемлекеттер басшылары екіжақты күн тәртібіндегі кең ауқымды өзекті мәселелерді талқылады.

Қасым-Жомарт Тоқаев Қазақстан-Швейцария арасындағы ынтымақтастықтың жоғары деңгейде екенін атап өтті.

– Швейцария – Қазақстан үшін екіжақты сауда және инвестиция көлемі бойынша Еуропадағы негізгі әріптес. Біздің елдеріміз банк, құрылыс және аграрлық салалардағы жобаларды белсенді дамытып келеді, – деді Қасым-Жомарт Тоқаев.

Қазақстан Президенті швейцариялық әріптесінің назарын қаржылық қызметтер, машина жасау, химия және фармацевтика, ауыл шаруашылығы, азық-түлік, туризм салаларында бірлесіп атқарар бірқатар перспективалық жобалардың бар екеніне аударды.

Кездесу соңында Қасым-Жомарт Тоқаев Ули Мауераны биыл Қазақстанға ресми сапармен келуге шақырды.

Соңғы жаңалықтар