17:14, 30 Қараша 2020 | GMT +6
ҚР Президенті Қарақат Башанованы құттықтады
НҰР-СҰЛТАН. ҚазАқпарат – Қазақстан Президенті Қасым-Жомарт Тоқаев Қарақат Башанованы «Балалар Евровидениесі – 2020» байқауында 2 орын алуымен құттықтады.
Бұл туралы Мемлекет басшысы Twitter -дегі парақшасында жазды, деп хабарлайды ҚазАқпарат.
«Қарақат Башанованы «Балалар Евровидениесі – 2020» байқауында керемет өнер көрсетуімен құттықтаймын. Ол осы беделді халықаралық сайыста Қазақстанның абыройын асырып, жүлделі 2-орынды иеленді. Оның өнері әлемнің әр түкпіріндегі миллиондаған көрерменге ұнады. Қарақатқа жаңа шығармашылық табыс тілеймін!»,-делінген құттықтауда.
Осыған дейін ҚазАқпарат Қарақат Башанованың «Junior Eurovision 2020» байқауында екінші орын алғанын жазған болатын.