19:14, 03 Тамыз 2021 | GMT +6
Қостанайлық педагогтардың 90%-дан астамы коронавирус вакцинасын алды
ҚОСТАНАЙ. ҚазАқпарат – Жаңа оқу жылына дейін өңір педагогтарының 100%-ы вакцина алады, деп хабарлайды ҚазАқпарат облыстық білім басқармасының баспасөз қызметіне сілтеме жасап.
«Қазіргі кезде облыс педагогтарының 90%-ы вакцина алған. Процесс жалғасуда, тамызда мұғалімдер еңбек демалысынан шығып, жұмысқа оралады. Олардың арасында жол жүргендер вакцина салдырған. Жаңа оқу жылының басына дейін бөлек қарастырылатын жағдайларды қоспағанда, педагогтардың 100%-ы вакцина алады деп жоспарлап отырмыз», - деп мәлімдеді ведомстводан.
Барлығы Қостанай облысында вакцинаның бірінші компонентін 245 мың адам немесе халықтың 48,7%-ы салдырды. Екінші компонентті салдырғандар үлесі – 33%.
Еске сала кетейік, бұдан ерте Қостанай облысында 1 тамыз бен 1 қазан аралығында вакцинаның бірінші компонентін алғандар арасында автокөлік ойнатылатыны хабарланған болатын.
Авторы Жанна Мұсабаева