Қостанайда үй күтушісі пәтерден 4,5 млн теңге ұрлап кеткен
Қостанай қаласы полиция басқармасының Оңтүстік полиция бөліміне 63 жастағы қала тұрғыны жүгінеді. Ол пәтерінен 7200 доллар және 2800 еуро ұрланғанын хабарлаған.
«Өтініш берушінің күдігі Елена есімді үй күтушісіне түскен. Жәбірленушінің айтуынша, осы жылдың күзінен бастап ол айына бір-екі рет пәтерді тазалау үшін келетін бейтаныс әйелді жалдаған. Жедел іздестіру іс-шаралары барысында полиция бөлімінің қызметкерлері Қостанай қаласының бұрын сотталмаған 47 жастағы тұрғынын анықтап, ұстады. Ақшалай қаражаттың бір бөлігі иесіне қайтарылды. Күдікті ақшаның бір бөлігін жұмсап, туыстарының несиесін төлеп, бір бөлігін банкке депозитке салып үлгерген», - дейді облыстық полиция департаменті баспасөз қызметінің маманы Кенже Қонысбай.
Қазір аталған факті бойынша қылмыстық кодекстің 188-бабы 3-бөлігімен сотқа дейінгі тергеу амалдары жүргізілуде.