Қостанай облысында жыл басынан бері 10 мыңға жуық автокөлік құрастырылды
«Кәсіпорын 8 брендті (JAC, Hyundai, Ravon, ChevroletNiva, MAN, Ankai, Yutong, УАЗ) автомобильдердің 50-ден астам модельдерін өндіруді игерді. Мамандар құрастырудың ірі және ұсақ тораптық әдісімен жүзеге асырды.
Кәсіпорын құрылғаннан бері оның алаңында барлығы 77 мыңнан астам автокөлік жиналды, ал жыл басынан бері 10 мыңға жуық автокөлік құрастырылды», - деп жазды Архимед МұхамбетовInstagram әлеуметтік желісінде.
Облыс басшысы Chevrolet Labo автомобильдері мен lovol тракторлары базасына барып, дезинфекциялауға арналған жабдықтарды орнату және пайдалану мүмкіндігін бақылады.
Бүгінде мұнда үш ауысымда жұмыс істейді. Сондай-ақ қызметкерлерді вирустық инфекциялардан қорғау мақсатында кәсіпорында барлық қажетті санитарлық-эпидемиологиялық іс-шаралар жүргізілген.