Қостанай облысында екі шағын аудан бой көтереді

Шағын аудандардың құрылысы келер жылы басталады. Белгіленген жоспарға сай, бұл аумақтарда 45 тұрғын үй пайдалануға берілмек.

«Қостанай ауданында жалдамалы баспана алу кезегінде 2 мың адам тұр. Халықты тұрғын үймен қамтамасыз ету көрсеткішін жақсартуда жоспар ауқымды. 2016-2018 жылдар аралағында «Нұрлы жер» бағдарламасы аясында «Солтүстік» шағын ауданында 11 көп пәтерлі тұрғын үй пайдалануға берілді. 339 отбасы қоныс тойын тойлады. Мемлекеттік бағдарламамен салынған жаға тұрғын үйлерде сатылмаған тағы 75 пәтер бар.2020 жылы Мичурин және Затобол кентінде «Бәйтерек», «Астана» деп аталатын жаңа ықшам аудандар құрылады. Құрылыс жұмыстары 3 жылға жоспарланған. Мұнда 45 тұрғын үй бой көтереді. Жаңа баспаналардың барлығы 9 қабатты болады», - дейді аудан әкімі.

Аудан басшысы жеке тұрғын үй құрылысы бойынша атқарылған жұмыстарды атап өтті. «Солтүстік» ықшам ауданында 279 жер телімі игеріліп, баспаналар салынған.

Тағы бір айта кетерлігі, 2023 жылы Затобол ауылында «Нұр Әлем» жаңа ықшам ауданының құрылысы басталады. Онда 5 қабатты 24 тұрғын үй пайдалануға беріледі. Оған аудан әкімдігі қосымша 550 жер учаскесін бөлмек.