Қостанай облысында 90-нан астам стационарлық және жылжымалы егу пункті жұмыс істейді
Бүгін Архимед Мұхамбетов Қостанай қаласының №4 емханасына барды.
«Бүгінгі таңда Covid-19-ға қарсы вакциналау белсенді жүргізіліп жатыр. Вакциналаудың бастапқы және қайталама кезеңдеріне арналған кабинеттер жұмыс істейтін 31 медициналық ұйым (оның ішінде 5 жеке) қызмет көрсетеді. Медициналық ұйымдарда үлкен ұжымдарға арналған көшпелі вакциналау бригадалары қарастырылған. Вакцинаны 93 стационарлық және жылжымалы егу пункттері жүргізеді. Олардың санын 150-ге дейін көбейтуге резерв бар», - деді аймақ басшысы.
Сондай-ақ адамдар көп жиналатын жерлерде вакциналау жүргізу үшін емханалармен қатар «Kostanay Рlaza» сауда-ойын-сауық орталығында, «City Kostanai» бизнес-орталығында, «Емшан» сауда орталығында, «Астықжан» супермаркетінде (Абай даңғылы 1Б), сондай-ақ Рудный қаласында, «ЦУМ» сауда орталығында жеке егу кабинеттері ашылды.
«Бүгінгі таңда облысқа «Спутник V« вакцинасының бірінші компонентінің 59 мың дозасы және екінші компонентінің 24 мың дозасы, сондай-ақ «QazVac« вакцинасының 2 мың дозасы жеткізілді. Алғашқы болып 42 мыңнан астам адам алды. Екінші компонентті 10 мыңнан астам адам алды»,- деп қорытындылады ол.