+7 (701) 759 90 19
USD 420.79 EUR 511.98
RUB 5.67 CNY 64.46
Jańalyqtar

Қостанай облысында 5 500 автокөлік экспортқа шығарылған

2020 жылғы 22 қазан 05:24
Бөлісіңіз:
Қостанай облысында 5 500 автокөлік экспортқа шығарылған

ҚОСТАНАЙ. ҚазАқпарат – Елде енгізілген төтенше жағдай режиміне қарамастан, Қостанай облысы өткен тоғыз айды оң макроэкономикалық көрсеткіштермен аяқтады, деп хабарлайды ҚазАқпарат облыс әкімінің баспасөз қызметіне сілтеме жасап.

Жыл басынан бері Қостанай облысының негізгі капиталына 234 млрд теңге инвестиция тартылған. Биыл ет пен сүт өндірісінің көлемі едәуір артқан. Өсімдік майының экпорты 3,2 есе, ұн экспорты 11 пайызға өсті.

Сыртқы нарыққа шыққан өндіріс тауарларының ауқымды бөлігі көлік құрастыру саласының еншісінде. Жергілікті машина жасау зауыты экспорт көлемін еселеп, 5500-ге жуық автокөлікті экспортқа өткізген. Автозауыт пандемия кезіндегі қиындықтарға қарамастан 879 автобусты қатарға қойған. Бұл көрсеткіш былтырғы деңгейден 2 есе көп.

Облыстық Экономика және бюджетті жоспарлау басқармасының басшысы Гүлбарам Мұсағазинаның айтуынша, аймақ экономикасын өркендету көрсеткіштері бойынша барлық аудан-қалалардың үлесі бірдей емес. Кейбір өңірлер өндіріс көрсеткішін төмендетіп алған.

Ал жоғары нәтиже ауыл шаруашылығы, өнеркәсіп өндірісінде байқалып отыр. Құрылыс қарқыны да жоғары.

«Өңірде 1,1 трлн теңгенің өнеркәсіп өнімі шығарылды. Оның ішінде 609 млрд теңге өңдеуші секторға тиесілі. Бұл салада өсім 19,3% құрап отыр. Ауыл шаруашылығы саласында 3,3 млрд теңгенің өнімі өндірілді. Биыл 4 млн тонна астық қамбаға құйылса, оның 3,5 млн тоннасы бидайдың үлесінде. Гектар түсімі орташа есеппен 10 центнерді құрады. 190 мың тонна майлы дақыл жиналды. Бюджет кірісі де молайып, 144 млрд теңгеден асты. Жалпы, жылдық жоспар орындалды», - деп мәлім етті басқарма басшысы.


Біздің каналымызға жазылыңыз:

Бөлісіңіз:

Автор:

Қасқырбай Қойшыманов

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT