12:12, 16 Қаңтар 2021 | GMT +6
Қостанай облысында 3 автокөлік соқтығысып, бір адам көз жұмды
ҚОСТАНАЙ.ҚазАқпарат – Қостанай облысында ауа райының қолайсыздығы салдарынан бірнеше көлік соқтығысты, деп хабарлайды ҚазАқпарат.
Облыстық Полиция департаменті баспасөз қызметінің мәліметінше, оқиға Қостанай ауданы Озерное ауылының маңында, Қостанай-Екатеринбург автожолының 507-ші шақырымында болды.
«ВАЗ-2114» автокөлігін мінген 48 жастағы жүргізуші рульге ие бола алмай қалып, жолдың қарсы жолағына шығып кеткен. Салдарынан Lada Largus және Suzuki автокөліктерімен соқтығысады. Жарақаттарының ауырлығынан «ВАЗ-2114» жүргізушісі оқиға орнында көз жұмды«, - деді Полиция департаментінен.
Сотқа дейінгі тергеу амалдары басталып, оқиғаның мән-жайы анықталуда.