17:48, 09 Маусым 2021 | GMT +6
Көшербаев: Билік транзиті заманның жаңа сын-тегеуріндеріне лайықты жауап беруге жол ашты
НҰР-СҰЛТАН. ҚазАқпарат – Қазақстан халқы Ассамблеясы кеңесінің кеңейтілген отырысында Мемлекеттік хатшы Қырымбек Көшербаев Қасым-Жомарт Тоқаевтың Президент болып сайланғанына екі жыл толғанын атап өтті, деп хабарлайды ҚазАқпарат тілшісі.
«Өздеріңізге белгілі, 2019 жылдың 9 маусымында мемлекетіміздің жаңа басшысы Қасым-Жомарт Кемелұлы Тоқаевтың бүкілхалықтық сайлаудың қорытындысымен Президент болып сайланғанына екі жыл толды. Бұл тарихи сәт тағылымы мол сабақтастықтың, саяси бағдарды сақтай отыра, үндестіктің, әділеттіліктің және дамудың принциптеріне негізделген жаңа басқару әдісін қалыптастыруда, жаңа заманның жаңа шақыруларына лайықты жауап беруге мүмкіндік беруде.
Елбасының сессияда сөйлеген сөзін татулық пен келісім саясатының мәні мен мазмұнын түсіндіруде, сондай-ақ жаһандану жағдайындағы интеграциялық қатынастарда қазақ халқын өзек ретінде қалыптастыруда пайдалануға әбден болады», - деді Мемлекеттік хатшы.