10:45, 10 Сәуір 2021 | GMT +6
Коронавирус жұқтырған 523 науқастың жағдайы ауыр – министрлік
НҰР-СҰЛТАН. ҚазАқпарат – ҚР Денсаулық сақтау министрлігі коронавирус инфекциясынан емделіп жатқан науқастардың хал-жағдайы туралы мәлімет ұсынды, деп хабарлайды ҚазАқпарат.
10 сәуірдегі мәлімет бойынша, қазіргі уақытта короновирустан 31 360 адам (30 640 КВИ+ және 720 КВИ-) емделуде, олардың ішінде 11 505 пациент стационарда, 19 855 науқас амбулаториялық деңгейде ем қабылдауда.
КВИ+, КВИ- шалдыққандардың арасында:
- 523 адамның жағдайы ауыр;
- 162 пациенттің жағдайы өте ауыр;
- 95 науқас өкпені жасанды желдету аппаратына қосылған.