21:45, 23 Қыркүйек 2020 | GMT +6
Коронавирус: Науқас қандай жағдайда ауруханаға жатқызылады
НҰР-СҰЛТАН. ҚазАқпарат – Сoronavirus2020.kz сайтында COVID-19 ауруының қандай белгілері пайда болған кезде науқас шұғыл ауруханаға жатқызылатыны түсіндірілді, деп хабарлайды ҚазАқпарат тілшісі.
«Егер температура 3-5 күннен артық сақталса немесе қысқа мерзімді қалыпқа түскеннен кейін қайта көтерілсе, сондай-ақ жөтел пайда болғанда немесе күшейгенде, бұл туралы жергілікті дәрігерге хабарлау керек», - делінген ақпаратта.
Егер сырқаттың ауыр белгілері пайда болса, жедел жәрдем шақыру қажет. Төмендегі симптомдар ауруханаға шұғыл жатқызудың критерийлері болып саналады:
- тыныс алу жиілігі минутына 24-тен жоғары;
- сатурация 95 пайыздан аз;
- ентігудің өршуі;
- қан қысымының төмендеу тенденциясы.