Коронавирус: «Көк» мәртебесі барлар үшін бірқатар шектеу алынып тасталды

None
None
НҰР-СҰЛТАН. ҚазАқпарат – Коронавирус бойынша «көк» мәртебесі бар тұрғындар үшін бірқатар шектеу алынып тасталды. Бұл туралы бүгін Үкімет отырысында ҚР Денсаулық сақтау министрі Ажар Ғиният мәлім етті, деп хабарлайды ҚазАқпарат тілшісі.

«Эпидемиологиялық қауіп аймағына қарамастан «көк» мәртебесі бар болған кезде отельдерге, қонақ үйлерге, әуежайларға, теміржол, автовокзалдарға, Халыққа қызмет көрсету орталықтарына, «Қазпошта» АҚ бөлімшелеріне, банктерге, асханалар түріндегі қоғамдық тамақтану объектілеріне, жабық базарларға, білім беру ұйымдарына, СПА-орталықтарға, сән салондарына, облысаралық, облысішілік, қалалық тасымалдауларға шектеусіз кіруге рұқсат етіледі», - деді Ажар Ғиният.

Оның атап өтуінше, «көк» мәртебесі бар келушілердің кіруіне рұқсат берілген бірқатар объектілер үшін «жасыл» аймақта шектеулер алынып тасталады. «Сары» аймақта 70 пайызға дейін, «қызыл» аймақта 60 пайызға және мейрамханалар, мәдени объектілер, балалар мен ересектер үшін сауда, және ойын-сауық орындары бойынша толымдылық ұлғайтылды.

«Елімізде пандемияның бүкіл кезеңінде бизнестің барлық салаларында карантиндік шаралардың мұндай кең ауқымды жеңілдіктері болған жоқ», - деді министр.


Соңғы жаңалықтар