USD 434.34 EUR 491.93
RUB 5.56 CNY 68.67
Jańalyqtar

Корея Елшілігі Қазақстанның Таэквондо федерациясына спорттық құрал-жабдық сыйлады

2021 жылғы 3 желтоқсан 02:38
Бөлісіңіз:
Корея Елшілігі Қазақстанның Таэквондо федерациясына спорттық құрал-жабдық сыйлады

НҰР-СҰЛТАН. ҚазАқпарат – Корея Республикасының Қазақстан Республикасындағы Елшілігі Қазақстан Таэквондо федерациясына спорттық құрал-жабдық табыстады, деп хабарлайды ҚазАқпарат.

Салтанатты шараға Корея Республикасының Қазақстандағы Төтенше және Өкілетті Елшісі Ку Хонг-сок, Қазақстан Таэквондо федерациясының вице-президенті Арман Шілманов және басқа қонақтар қатысты.

Елші Ку Хонг-сок Қазақстан таэквондо федерациясына спортпен айналысуға арналған келесі құрал-жабдықтарды – 25 қораптан тұратын қорғаныс шлемдерін, қорғаныс кеудешелерін, ракеткаларды және басқаларын тапсырды.

Бұл спорттық бұйымдар Солтүстік Қазақстан, Шығыс Қазақстан, Ақмола облыстарында орналасқан таэквондо спорт секцияларына, Нұр-сұлтан және Қостанай қалаларына жіберіледі.

«Кореяның таэквондо ілгерілету қоры ұсынған бұл спорттық құрал-сайман қазақстандық жастарға таэквондодағы дағдыларын жетілдіруге және Корея Республикасына қызығушылығын арттыруға көмектеседі деп үміттенемін. Корея Республикасы Қазақстан Республикасының стратегиялық серіктесі ретінде спорт саласындағы ынтымақтастықты одан әрі нығайтуға ұмтылатын болады», - деді елші Ку Хонг-сок.

Өз кезегінде Қазақстан Таэквондо федерациясының вице-президенті Арман Шіллманов Корея Елшілігі мен Корея таэквондоны ілгерілету қорына спорттық құрал-саймандары үшін алғысын білдірді. Сондай-ақ, ол Қазақстанда осы спорт түрімен 20 мыңнан астам адам айналысатынын және олардың саны жыл сайын тұрақты өсіп келе жатқанын атап өтті.


Біздің каналымызға жазылыңыз:

Бөлісіңіз:

Автор:

Айжан Серікжанқызы

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Айдар Оспаналиев
Айдар Оспаналиев
954-059

MURAǴAT