Көлік жүргізу куәлігі жоқ СҚО тұрғыны мас күйінде адам қағып кетті

None
None
ПЕТРОПАВЛ. ҚазАқпарат – Солтүстік Қазақстан облысында көлік жүргізу куәлігі жоқ азамат мас күйінде рульге отырып, адамды мерт қылды, деп хабарлайды ҚазАқпарат тілшісі.

СҚО Полиция департаментінің баспасөз қызметінен мәлім еткендей, оқиға 11 қаңтар күні Мамлют ауданының Дубровное елді мекенінде болған. Кешкі сағат 21.00 шамасында үш тұрғын «ЗИЛ» жүк көлігіне «ВАЗ 2106» машинасын тіркемек болады. Осы уақытта өтіп бара жатқан «УАЗ» көлігінің жүргізушісі сынып тұрған «ВАЗ» көлігін және арқанды іліп жатқан оның жүргізушісін соққан. Салдарынан Дубровный елді мекенінің 33 жастағы тұрғыны оқиға орнында қаза тапты. «УАЗ» көлігінде оның 35 жастағы ауылдасы болған. Медициналық куәландыру жүргізушінің мас болғанын көрсетті.

Анықталғандай, адамды мерт қылған азаматта жүргізуші куәлігі ешқашан болмаған. Былтыр көлік жүргізгені үшін әкімшілік жауапкершілікке тартылған.

Жол апатына байланысты тергеу басталды, тиісті сараптамалар жүргізіледі. Күдікті уақытша ұстау оқшаулағышына қамалды.

«Қылмыстық заңнамада мас күйде жол-көлік апатын жасағандарға қатысты өзгеріс бар. Денсаулыққа орташа деңгейде зиян келтірген жағдайда 1 мың АЕК дейін айыппұл салынады, екі немесе одан да көп адам қаза тапқан жағдайда 10 жылға дейін бас бостандығынан айырылады. Мас күйде жол апатына түскендер 7 жылға дейін, кісі өлімі болған жағдайда өмір бойына көлік жүргізу құқығынан айырылады», - дейді СҚО ПД Тергеу басқармасының бастығы Қайрат Қасымбеков.

Сондай-ақ полицейлер мас жүргізушілерге қатысты әкімшілік заңнаманың да өзгергенін ескертеді. Яғни көлікті басқару құқығынан айыру мерзімі ұзарып, әкімшілік қамауға алу жазасы енгізілді.




Соңғы жаңалықтар