Көлеңкелі экспорт сұйытылған газ бағасын қымбаттатуы мүмкін – Болат Ақшолақов

«Мемлекеттік органдар тарапынан бөлшек сауда бағаларын реттеу тетігінің болмауына байланысты сұйытылған мұнай газы бағасының өсу тәуекелдері бар.

Көлем тапшылығының негізгі себептерінің бірі көлеңкелі экспорт болып табылады. Бұл кейіннен халық үшін сұйытылған мұнай газының жетіспеуіне және бағаның негізсіз өсуіне алып келеді. Қазіргі уақытта министрліктің ішкі нарықтағы сұйытылған мұнай газының айналымы мен көлеңкелі экспортқа жедел мониторинг жүргізуге өкілеттігі жоқ», - деді ведомство басшысы Мәжілісте өткен Үкімет сағатында.

Министр бұл тәуекелдердің алдын алу үшін бірнеше шара қабылданып жатқанын жеткізді.

Олар:

- көлікке ілеспе жүкқұжаттарын ресімдеуге міндетті тауарлар тізбесіне сұйытылған мұнай газын енгізу;

- Қазақстан аумағында автогаз құю станцияларына бақылау-кассалық машиналардың болуына қойылатын талаптарды күшейту;

- Энергетика министрлігіне фискалдық деректер операторына және сұйытылған мұнай газын тасымалдайтын көліктердің ілеспе жүкқұжаттарына қашықтан қол жеткізуді мүмкіндігін беру.

Сондай-ақ, Болат Ақшолақов 180 күн өткен соң сұйытылған газ бағасын қалай реттейтінін айтты.