+7 (701) 759 90 19
USD 425.07 EUR 494.14
RUB 6.06 CNY 66.55
Jańalyqtar

Көлеңкелі экономикаға қарсы іс-қимыл жөніндегі іс-шаралар жоспары өзектендіріледі

2021 жылғы 8 қыркүйек 12:58
Бөлісіңіз:
Көлеңкелі экономикаға қарсы іс-қимыл жөніндегі іс-шаралар жоспары өзектендіріледі

НҰР-СҰЛТАН. ҚазАқпарат – Көлеңкелі экономикаға қарсы іс-қимыл жөніндегі іс-шаралар жоспары өзектендіріледі. Бұл туралы ҚР ҚМ Мемлекеттік кірістер комитеті төрағасының орынбасары Жайдар Іңкәрбаев айтты, деп хабарлайды ҚазАқпарат тілшісі.

Ұқсас жаңалықтар
Өзбекстаннан Қазақстанға заңсыз қаржы алып өтпек болған қырғыз азаматы ұсталды Ералы Тоғжанов вакцинация жоспарын кешіктірген басшыларға шара қолдануды ұсынды

«Мемлекет басшысының Жолдауда бюджет кірісін ұлғайту бойынша берген тапсырмасын орындау үшін ауқымды жұмыстар жүргізілуде. Атап айтқанда, шағын және орта бизнестің жосықсыз субъектілерін көлеңкеден шығару, қолма-қол ақшасыз айналымдарды әкімшілендіру және фискалдық заңнаманы сақтау бағыттары күшейтіледі. Бұл ретте процестерді цифрландыруға басты назар аударылуда», - деді ол Орталық коммуникациялар қызметіндегі баспасөз мәслихатында.

Оның атап өтуінше, көлеңкелі экономиканың үлесін 2025 жылға дейін 40 пайызға төмендету үшін ҚР Қаржылық мониторинг агенттігімен бірлесіп, экономиканың барлық салалары мен бағыттар бойынша Көлеңкелі экономикаға қарсы іс-қимыл жөніндегі іс-шаралар жоспарын өзектендіру жөнінде жұмыстар жүргізілуде.

«Ұлт жоспарының 42-қадамын орындау үшін 2021 жылғы 1 қаңтардан бастап жалпыға бірдей декларациялау кезең-кезеңімен енгізілді. Жалпыға бірдей декларациялауға көшу көлеңкелі айналымды, сыбайлас жемқорлық деңгейін төмендетеді және мемлекеттік бюджетке қосымша түсімдерді қамтамасыз етеді. Халықаралық мәліметтерді электронды түрде алмасу аясында біз көпжақты конвенцияға қол қойдық. ҚР азаматтарының қаржылық шоттары бойынша 100-ден астам юрисдикцияда ақпарат алмасуды бастауды жоспарлап отырмыз. Бүгінгі күні декларацияны 476 мың адам немесе жалпыға бірдей декларациялаудың бірінші кезеңінің 99 пайызы ұсынды. Өтініш берудің ең танымал тәсілі e-Salyq Azamat мобильді қосымшасы болып отыр. Оның көмегімен декларацияның 52 пайызы ұсынылды», - деді Жайдар Іңкәрбаев.


Біздің каналымызға жазылыңыз:

Бөлісіңіз:

Автор:

Марлан Жиембай

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059
REDAKTOR
Жанат Қапалбаева
Жанат Қапалбаева
954-059

MURAǴAT