+7 (701) 759 90 19
USD 426.01 EUR 493.75
RUB 6.05 CNY 66.62
Jańalyqtar

Көксу ауданында 150 мың теңге пара алған бөлім басшысы 4,5 млн теңге айыппұл төледі

2021 жылғы 16 қыркүйек 11:41
Бөлісіңіз:
Көксу ауданында 150 мың теңге пара алған бөлім басшысы 4,5 млн теңге айыппұл төледі

ТАЛДЫҚОРҒАН. ҚазАқпарат - Алматы облысының Көксу ауданында 150 мың теңге пара алған бөлім басшысы 4,5 млн теңге айыппұл төледі, деп хабарлайды ҚазАқпарат тілшісі.

Ұқсас жаңалықтар
СҚО-да биыл мемлекеттің 420 млн теңгесін қалтасына басқан 8 шенеунік сотталды Атырау облысы әкімінің орынбасары бюджет қаражатын ысырап етті деген күдікке ілінді

«Көксу ауданының білім бөлімінің басшысы білім мекемелеріне 9 дезинфекциялау тоннелін жеткізу және орнату бойынша мемлекеттік сатып алу туралы шарт бойынша орындалған жұмыс актілеріне қол қойған. Қол қойғаны үшін ЖШС директорынан 150 000 теңге пара алған. Пара алғаны үшін оған 4,5 млн теңге көлемінде айыппұл салынды»,- деді сыбайлас жемқорлыққа қарсы агенттіктің Алматы облысы бойынша департаменті басшысының бірінші орынбасары Жандос Жұмабаев.

Сонымен қатар, Қапшағай қалалық білім бөлімі басшысының да заңсыз қаражат аударғаны үшін 2 жыл мерзімге бас бостандығы шектелді.

«Қапшағай қаласы білім бөлімінің басшысы қызметтік жағдайын асыра пайдаланған. Ол алдын ала сөз байласу арқылы жүйелі негізде жеке кәсіпкерлердің есеп шоттарына ақша аударған. Яғни, олармен қызмет көрсетуге және орта мектептерде жұмыс көлемін нақты орындауға шарт жасаспай, жалпы сомасы 1 млн теңгеден астам бюджет қаражатын заңсыз аударған және жүйелі түрде пара алғаны үшін 2 жыл мерзімге бас бостандығы шектелді»,- деді Жандос Жұмабаев.

Оның айтуынша, облыста биылғы 8 айда 69 адам жемқорлық фактісі бойынша сотталды.

Оның ішінде 64 адам 116,9 млн теңгеден астам сомаға айыппұл салынды, 2 адамның бас бостандығы шектелді, 3 адам сотталып, мүлкі тәркіленді және мемлекеттік қызметте қызмет атқару құқығынан өмір бойына айырылды.

«Статистикаға сәйкес, есепті кезеңде сыбайлас жемқорлық фактісімен анықталғандардың үштен бірі жергілікті атқарушы органдарға және оларға бағынысты мекемелерге тиесілі, оның 11-і - білім саласында», - деді Ж.Жұмабаев.


Біздің каналымызға жазылыңыз:

Бөлісіңіз:

Автор:

Самал Қабышева

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT