+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Көкшетауда ЖЭО салуға қатысты техникалық-экономикалық негіздеме дайын

2021 жылғы 18 маусым 14:03
Бөлісіңіз:
Көкшетауда ЖЭО салуға қатысты техникалық-экономикалық негіздеме дайын

НҰР-СҰЛТАН. ҚазАқпарат – Көкшетау қаласында жылу электр орталығын салуға қатысты техникалық-экономикалық негіздеме дайын. Бұл туралы өңір әкімі Ермек Маржықпаев өңірдегі мал басы артқанын мәлім етті, деп хабарлайды ҚазАқпарат тілшісі.

Ұқсас жаңалықтар
Мемлекет басшысына Ақмола облысының инвестициялық жобалары таныстырылды Мемлекет басшысы Көкшетауда Bolashaq saraiy ғимаратына барды Қасым-Жомарт Тоқаев Көкшетау қаласына жұмыс сапарымен келді

«Біраздан бері облыс орталығын сумен қамтамасыз ету мен электр энергиясының генерациясы тұрғындарды алаңдатып отыр. Қала дамып келеді, шаһар аумағы кеңейіп жатыр. Сонымен қатар бизнес дамып, әлеуметтік сала нысандары салынып жатыр. Алайда бізде жылумен қамтамасыз ету көзіне байланысты проблема бар», - деді әкім Орталық коммуникациялар қызметінде.

Осы орайда ол 2014 жылы Көкшетауда жылу электр стансасын салуға техникалық-экономикалық негіздеме тапсырылып, дайындалғанын еске салды.

«Конкурс жүргізіліп, 25-тен астам компаниядан өтінім келіп түсті. Олардың арасында шетелдік компаниялар да болды. Бірақ конкурста жеңген компания өзіне алған өкілеттікті орындай алмады. Бізге Мемлекет басшысы жылу электр орталығын салу бойынша тікелей тапсырма берді. Сондықтан Үкіметпен бірлесе отырып, бұл мәселені пысықтап жатырмыз. Өткен аптада жылу электр орталығының техникалық-экономикалық негіздемесін алдық. Онда біршама параметр өзгерді. Бұл жоба айтарлықтай жетілдірілді, заманауи технологияларға қатысты елеулі жұмыс жүргізілді, яғна экология бағытына екпін қойылды», - деді Ермек Маржықпаев.

Осы орайда әкім ЖЭО салынса қаладағы ыстық су мәселесі де шешілетінін айтты.

Оның сөзіне қарағанда, жылумен жабдықтау саласында, өткен жылы жылу көздері мен жылу тораптарын салу мен реконструкциялаудың 9 жобасын іске асыру нәтижесінде, 61 көпқабатты тұрғын үй, 454 жекеменшік үй, 31 әлеуметтік объект жылуға қосымша қосылды. Сонымен қатар, Ақкөл (Ақкөл қ.), Астрахан, Бурабай, Ерейментау, Бұланды, Целиноград (Ақмол а.) аудандарында және Көкшетау қаласында шамамен 11 мың адам сапалы жылумен қамтамасыз етілді.

«Ағымдағы жылы жұмыс жалғастырылатын болады. Степняк қаласы, Ақмол ауылы, Макинск қаласы, Астраханка ауылы және облыс орталығында қазандықтар мен жылу тораптарын салып жөндеуді жоспарлап отырмыз. Жалпы, 9 мың халықты қамту арқылы 10 жоба бар», - деді әкім.


Біздің каналымызға жазылыңыз:

Бөлісіңіз:

Автор:

Руслан Ғаббасов

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059

MURAǴAT