23:23, 19 Маусым 2021 | GMT +6
«Көкшетау-Рузаевка» автожолында екі көлік соқтығысып, жүргізуші мерт болды
КӨКШЕТАУ. ҚазАқпарат - Ақмола облысында екі көлік бетпе-бет соқтығысып, 29 жастағы көкшетаулық оқиға орнында көз жұмды, деп хабарлайды ҚазАқпарат тілшісі облыстық ПД баспасөз қызметіне сілтеме жасап.
Ведомствоның мәліметінше, жол-көлік оқиғасы маусымның 19-ында кешкі сағат 20:45-те «Көкшетау- Рузаевка» автожолының 17 шақырымда орын алған.
«Анықталғандай, «Фольцваген пассат» көлігі жолдың қарсы бағытына шығып кетіп, «МАЗ» жүк көлігімен соқтығысқан. Салдарынан жеңіл көліктің жүргізушісі — 29 жастағы көкшетаулық оқиға орнында көз жұмды», - деді ведомствоның баспасөз қызметіндегілер.
Қазіргі кезде, оқиғаның мәні-жайы анықталуда.
