ҚМУ-де «G-Global - EXPO-2017» қоғамдық қозғалысын қолдау мақсатындағы жастар қозғалысын ұйымдастыру мәселесі талқыланды
«Білім, ғылым және ғылыми-әдістемелік конференция аясында өткен шараны аймақтық кәсіпкерлікті дамыту орталығы мен технологияларды коммерцияландыру бөлім ұйымдастырды, деп хабаралады университеттің баспасөз қызметінен.
Онлайн дөңгелек үстел барысында «G-Global - EXPO-2017» Халықаралық жобасындағы жоғары оқу орындарының негізгі қызмет бағыттарының үйлесімділігі, жобаны іске асыру бойынша университет жұмыстарының модельді жоспарын құру, G-Global халықаралық жобасын және «G-Global - EXPO-2017» болашақ энергия үшін қоғамдық қозғалысын қолдау мақсатында жастар қозғалысын ұйымдастыру идеялары қаралды. Сондай-ақ G-Global платформасын оқу және ғылыми-білімдік үрдісті профессор-оқытушылар құрамы мен білім алушылар деңгейінде пайдалану мүмкіндігін арттыру және уәждеме механизмін регламенттеу мәселелері талқыланды.
«G-Global коммуникативті алаңы жобасы бойынша Қорқыт Ата атындағы Қызылорда мемлекеттік университетінде жүргізіліп жатқан жұмыстар туралы» ғылым және жоғары оқу орнынан кейінгі білім департаментінің директоры Қали Омаров баяндады. Жиынға Қазақстанның 15-тен астам жетекші жоғары оқу орындары қатысып, келелі ой-пікірлерімен бөлісті.