ҚХР-дың жалпы ішкі өнімінің өсімі 2021 жылы 6%-дан асады
Бұл туралы «ҚазАқпарат» ХАА меншікті тілшісі жазады.
«Ағымдағы жылы әлеуметтік-экономикалық дамудың мынадай негізгі көрсеткіштері белгіленді: ЖІӨ өсімі 6%-дан астамды құрайды», – делінген баяндамада.
Жұмыссыздық деңгейі 5,5% деңгейінде болады, 11 млн астам жаңа жұмыс орындарын құру жоспарлануда. Тұтыну бағаларының өсуі шамамен 3% деңгейінде болжанады.
Қытай Үкіметі жұмысының екпіні елдегі экологиялық жағдайды жақсартуға бағытталады, жоспарда ЖІӨ-нің энергия сыйымдылығын 3%-ға төмендету, сондай-ақ ластаушы заттардың негізгі түрлерінің жиынтық шығарындыларын қысқартуды жалғастыру көзделген. Сондай-ақ орталық бюджеттен инфрақұрылым құрылысы, көлік, гидроэнергетика, урбандалу және елдің өңірлік дамуы саласындағы жобаларға 610 млрд юань (шамамен $94 млрд) мөлшерінде инвестициялар бөлу жоспарланып отыр.
Руслан Сүлейменов