19:27, 24 Ақпан 2019 | GMT +6
ҚХЛ ойындарындағы үздік «төбелестер» жарияланды
АСТАНА. ҚазАқпарат - Ресейлік «Матч ТВ» сайты Құрлықтық хоккей лигасы маусымының үздік 10 төбелесін жариялады. «Барыс» шабуылшысы Павел Акользин мен Омбының «Авангард» клубының ойыншысы Кирилл Петровтің «шағын жекпе-жегі» бұл тізімде жетінші орынға жайғасты, деп хабарлайды Sports.kz.
Чемпионаттың соңында өткен «Барыс» пен «Авангард» арасындағы кездесу Чернышев дивизионындағы жеңіс үшін таласта шешуші мәнге ие болды. Ойын текетіреске толы болды, соның ішіндегі ең есте қалған сәт бірінші кезеңнің аяғында орын алды. Қонақтар қақпасы алдындағы қос команда ойыншыларының қақтығысы Павел Акользин мен Кирилл Петровтің төбелесіне ұласып кетті. Алайда ол «айқас» ұзаққа созылмады. «Барыс» щабуылшысы оң қолымен бір соққы жасап, қарсыласын нокаутқа жіберді», - делінген материалда.