ҚХЛ: Никита Михайлистің үш голы «Барысқа» жеңіс әперді

НҰР-СҰЛТАН. ҚазАқпарат – Құрлықтық хоккей лигасының тұрақты чемпионаты аясында елордалық «Барыс» өз айдынында «Амур» (Хабаровск) командасын ұтты, деп хабарлайды ҚазАқпарат тілшісі.

Ұқсас жаңалықтар

«Барыс» құрлық хоккей лига ойындарына 13 мәрте қатысуда

Хоккей: «Барыстың» плей-офф кезеңіндегі қарсыласы анықталды Хоккей: «Барыстың» бүгінгі ойынын қайдан көруге болады Хоккей: «Барыс» овертаймда «Ак Барстан» жеңілді

Шығыс конференциясында «Барыс» сегізінші орында тұрса, қарсыласы 10-сатыда еді. Плей-офф бәсекесіне жолдама алуға мүмкіндік беретін үздік сегіздікке ілігу үшін бұл матч қос команда үшін де маңызды болатын.

Осының алдында екі ойында жеңіліс тапқан Юрий Михайлистің шәкірттері айдынға тастүйін дайындықпен шықты. Әсіресе, Никита Михайлис екінші кезеңде командасын 2:0 есебімен алға шығарды. Бұл ретте Роман Старченко екі рет нәтижелі пас шығарды.

Үшінші кезеңде қонақтар Дмитрий Лугин мен Сергей Терещенконың мергендігі арқасында таразы басын теңестірді – 2:2. Дегенмен 48-минутта Н.Михайлис ойын нүктесін қойды.

Осы жеңістен кейін 51 ұпай жинаған «Барыс» Шығыс тобында бұрынғыша 8-орында келеді.