KFW дебютанты Динара Сәтжан жаңа коллекциясы туралы айтты

Бұрынғы тележүргізуші Динара Сәтжан алғаш рет 2018\19 жылдың күз-қыс мезгілі прет-а-порте Сән апталығындағы жеке киім желісін таныстырды. Дизайнер қазақстандық сәнқойларға арнап жеңіл жазғы киімдерді ұсынды.

«Менің коллекциям көктем мен жаз мезгіліне арналған. Тіпті, көрсетілім үшін су мен құстардың сайраған дыбыстары бар музыканы таңдадым. Астананың тұрғыны бола тұра, көшеде жеңіл киіммен кетіп бара жатқан алматылықтарды көргенде, әлемдегі ең суық астанада тұратынымды түсінемін. Бұл киім желісі - менің «жан айғайым», - деді Динара Сәтжан.
 

Динара Сәтжан көйлектерді аса нәзік шифоннан, шыттан, тордан және гүлді гипюрдан тіккен.
 

«Соңғы жылдары әлем бойынша хипстер стилі танымалдылыққа ие болуда, бірақ бұл да жайлап өтіп жатыр. Бұл заттар көбіне жасөспірім ұрпаққа арналған. Мен стильдегі нәзіктікті қалаймын. Менің киімім - менің болмысымды, ойымды көрсетіп тұр. Менің жасап жатқан дүнием қалыптасқан тұлғалар мен әйелдерге арналған», - деді дизайнер.
    

KFW қатысушылары атап өткендей, 2018 жылдың көктем мен жазында қанық және ашық түсті киімдер сәнге айналмақ. Дизайнерлер үлпілдеген көйлек пен кең сәнді белдемшелер ұсынуда.