11:28, 25 Қараша 2021 | GMT +6
Қазгидромет толассыз жауып тұрған қардың қашан тоқтайынына болжам жасады
НҰР-СҰЛТАН. ҚазАқпарат - Елордада тәулік ішінде жауын-шашынның бір айлық нормасы түсті. Бұл туралы ҚазАқпарат Қазгидрометке сілтеме жасап хабарлайды.
«Елордада қарашаның 24 бастап жауған қар толассыз әлі жауып тұр. Осы аралықта 25 мм жауын-шашын түсті. Қардың биіктігі 28 см құрады. Жалпы елордада қараша айында жауын-шашын нормасы — 28 мм мөлшерін қамтыды. Солайша, бір күнде еліміздің бас қаласына айлық жауын-шашын түсті — қардың жаууы, әлі де жалғасатын болады. Гидрометорталықтың болжамы бойынша жауын-шашын сағат 16.00-де тоқтайды», - делінген хабарламада.
Жалпы, 1- 25 қараша аралығында елордаға 45.1 мм жауын-шашын түсті. Бұл норманың екі есе асып кетуін көрсетеді
Еске салсақ, елордада қалың қар жаууына байланысты автобустар уақытынан кешігіп, қала көшелерінде көлік кептелісі байқалды.Сондай-ақ бүгін Астанада екінші ауысымдағы 0-7 сыныптар мектепке бармайды.