Қазгидромет: Наурыздың 7-сі күнгі ауа райы болжамы

Кәсіпорын таратқан мәліметтерге қарағанда, Қазақстанның басым бөлігінде атмосфералық фронтальды бөліктердің өтуіне байланысты ауа райы құбылмалы болады, жаңбыр және қар жауады.

Тек еліміздің шығысында ғана күн жауын-шашынсыз болады. Республиканың кей жерлерінде тұман түсіп, көктайғақ, бұрқасын болады, жел 15-20 м/с жылдамдықпен соғады, солтүстік-батыста және солтүстікте екпіні 23-28 м/с болады.

Қостанай, Ақтөбе облыстарында жел түнде кей жерлерде 15-20 м/с жылдамдықпен, күндіз басым бөлігінде 15-20 м/с жылдамдықпен соғады, екпіні 23 м/с-қа дейін күшейеді. Кей жерлерде бұрқасын, тұман, көктайғақ болады.

Ақмола облысының кей жерлерінде бұрқасын, тұман, көктайғақ болады, жел секундына 15-20 метр жылдамдықпен соғады, күндіз екпіні 25 м/с болады.

Солтүстік Қазақстан облысында күндіз желдің жылдамдығы секундына 15-20 м/с болады, кей жерлерде екпіні 23-28 м/с-қа жетеді. Кей жерлерде бұрқасын, тұман, көктайғақ болады.

Павлодар, Батыс Қазақстан облыстарының кей жерлерінде жаяу бұрқасын, тұман, көктайғақ болып, жел 15-20 м/с жылдамдықпен соғады.

Атырау, Жамбыл облыстарының кей жерлерінде тұман түсіп, көктайғақ болады, желдің жылдамдығы секундына 15-20 м/с-ке жетеді.

Қызылорда, Маңғыстау облыстарының кей жерлерінде тұман түседі, жел 15-20 м/с жылдамдықпен соғады.

Қарағанды облысының кей жерлерінде тұман түсіп, таңертең және күндіз көктайғақ болады.

Шығыс Қазақстан, Түркістан облыстарының кей жерлерінде тұман түседі.

Алматы облысының Алакөл ауданында жел 16-21 м/с-қа жейін күшейеді.