Қазатомөнеркәсіп биыл қанша кіріс алмақ
«Толықтай алғанда, 2017 жылдың қорытындысында компанияның операциялық кірісі 46 млрд теңге деңгейінде болады деп күтілуде», - деді ол.
Компания басшысының айтуынша, қол қойылған меморандумдарға сәйкес соңғы жылдары Оңтүстік Қазақстан және Қызылорда облыстарының бюджетіне 4,8 млрд теңге аударылды. Сондай-ақ, меморандум бойынша Шығыс Қазақстан облысының бюджетіне ағымдағы жылы 1 млрд теңге берілді. Алдағы екі жылда тағы 2 млрд теңге бөлінетін болады.
«Мұнан бөлек, жер қойнауын пайдалану келісімшарттары аясында аймақтардың әлеуметтік-экономикалық дамуына жыл сайын 1 млрд теңгеден астам қаржы бөлінеді. Биыл компания Астанадағы 240 орындық балабақша құрылысын аяқтады, ол нысан да қалаға өтеусіз табысталады», - деді Ғалымжан Пірімбетов.
Оның сөзіне қарағанда, 2015 жылдан бері Қазатомөнеркәсіпте Трансформация бағдарламасы іске асырылуда. Оның экономикалық тиімділігі 2025 жылға қарай 136 млрд теңге құрайды деп күтілуде.