17:01, 11 Сәуір 2018 | GMT +6
Қазақстанның оңтүстігінде 25-30 градусқа дейін ыстық болады
АСТАНА. ҚазАқпарат - Суық атмосфералық ауа ағындары Қазақстанның аумағы арқылы өтіп, 12-14 сәуірде жауын-шашын, қар аралас жаңбыр әкеледі, деп хабарлайды ҚазАқпарат «Қазгидромет» РМК-ға сілтеме жасап.
Республиканың солтүстік бөлігінде ауа температурасы төмендейді.
Оңтүстік және шығыс аудандарға Орталық Азиядан жылы ауа массасы ығысады. 13-14 сәуір күндіз оңтүстік пен оңтүстік-шығыста ауа температурасы 20-25, кей жерлерде 27-30 градусқа дейін, шығыста 13-18, кей жерлерде 21 градусқа дейін ыстық болады.
Қызылорда және Қостанай облыстарында ескерту жарияланды. 12 сәуірде Қызылорда облысының кей жерлеріне тұман түсуі ықтимал. Күндіз шығыстан, оңтүстік-шығыстан соққан желдің жылдамдығы 15-20 м/с болады. 12 сәуірде Қостанай облысының кей жерлеріне тұман түсіп, көктайғақ болады, желдің жылдамдығы 15-20 м/с-ге жетеді.