Қазақстанның екі қаласында ауа сапасы нашарлайды

НҰР-СҰЛТАН. ҚазАқпарат – 29 қаңтар күні Қазақстан қалаларының басым бөлігінде метеорологиялық ахуал жағымды болады, деп хабарлайды ҚазАқпарат.

«Қазгидромет» РМК мәліметінше, бүгін тек Қызылорда мен Шымкент қалаларында атмосфералық ауаның ластануы болжанады.

Өзге шаһарларда ауа сапасының нашарлауы күтілмейді. Қолайсыз метеорологиялық жағдайлар - атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.

ҚМЖ жағдайында елді мекендердегі атмосфералық ауаның сапасы нашарлауы ықтимал.