20:48, 08 Шілде 2020 | GMT +6
Қазақстанның денсаулық сақтау жүйесі коронавируспен күреске дайын болмады - Тоқаев
НҰР-СҰЛТАН. ҚазАқпарат - Қазақстанның денсаулық сақтау жүйесі коронавируспен күреске дайын болмады. Бұл туралы республикалық телеарналар арқылы елімізде қалыптасқан ахуалға байланысты үндеу жасаған ҚР Президенті Қасым-Жомарт Тоқаев айтты, деп хабарлайды ҚазАқпарат тілшісі.
«Індетпен күрестің нәтижелі болуы ең алдымен барша жұрттың саналы әрекеті мен жауапкершілігіне баланысты. Бұл өте қауіпті, батпандап кіретін, мысқалдап шығатын дерт. Коронавирустың таралуына байланысты денсаулық сақтау жүйесіне көп ауыртпалық түсуде. Ашығын айту керек, денсаулық сақту жүйесі індетке тойтарыс беруге дайын болған жоқ», - деді Мемлекет басшысы.
ҚР Президенті осы мәселе бойынша тергеу жүргізілетіндігін және бұл жағдайдан сабақ алатындығымызды баса айтты. Сондай-ақ, әкімдердің жіберген қателіктеріне тиісті баға берілетіндігін атап өтті.