Қазақстанның бірнеше өңірінде ауа райына байланысты ескерту жарияланды

13 желтоқсанда Ақмола облысы мен Көкшетау қаласының кей жерлеріне тұман түсіп, көктайғақ және бұрқасын болады. Оңтүстік-батыстан соғатын желдің бағыты солтүстік-батысқа ауысып, кей жерлерде оның күші 15-20 м/с-ке жетуі ықтимал.

Осы күні Қостанай облысы мен Қостанай қаласында түнде қар жауады. Кей жерлерде бұрқасын, тұман, көктайғақ күтіледі. Солтүстік-батыстан жел соғып, оның екпіні кей жерлерде 15-20 м/с-ке жетеді.

13 желтоқсанда Қызылорда облысының басым бөлігінде жауын-шашын (жаңбыр, қар) түсіп, көктайғақ болады. Таңертең және күндіз оңтүстік-батыстан соққан желдің бағыты солтүстік-батысқа ауысып, кей жерлерде жылдамдығы15-20 м/с-ке жетуі мүмкін.

Сондай-ақ, осы күні Солтүстік Қазақстан облысының кей жерлерінде түнде бұрқасын, көктайғақ болуы ықтимал. Кей жерлерге тұман түседі. Солтүстік-батыстан соққан желдің күші 15-20 м/с-ке жетеді.

Петропавл қаласында түнде бұрқасын болады.

13 желтоқсанда Маңғыстау облысының кей жерлеріне тұман түседі. Осы күні түнде және таңертең Ақтауда да тұман болады.