17:45, 08 Қазан 2018 | GMT +6

Қазақстанға ЕҚЫҰ Бас хатшысы келеді

АСТАНА. ҚазАқпарат - Астанада ЕҚЫҰ Бас хатшысы Томас Гремингер Қазақстан Президенті Нұрсұлтан Назарбаевпен кездесіп, бірқатар шараларға қатысады, деп хабарлайды ҚазАқпарат тілшісі.

Жоспар бойынша Т.Гремингер 10-11 қазан аралығында келеді. «Сапар барысында Еуропадағы қауіпсіздік және ынтымақтастық ұйымының Бас хатшысы Қазақстан Президенті Нұрсұлтан Назарбаевпен, Жоғарғы сот төрағасы Жақып Асановпен және Сыртқы істер министрі Қайрат Әбдірахмановпен екіжақты кездесулер өткізеді. Сол кезде Қазақстан мен аталған ұйым арасындағы өзара іс-қимыл перспективалары талқыланады. Томас Гремингер Әлемдік және дәстүрлі діндер көшбасшыларының VI съезіне, сондай-ақ, Еуропадағы қауіпсіздік және ынтымақтастық ұйымының Қазақстандағы 20 жылдығына арналған халықаралық конференцияның ашылуына қатысады», - дейді ҚР Сыртқы істер министрлігінің баспасөз хатшысы Айбек Смадияров.

Айта кетейік, 8-10 қазан аралығында Сербия президенті Александр Вучичтің Қазақстанға ресми сапары жоспарланған. Ол да Әлемдік және дәстүрлі діндер көшбасшыларының VI съезіне қатысады.

Тегтер:

Астана ҚР СІМ Қазақстан және ЕҚЫҰ Қазақстанның халықаралық қызметі. Сыртқы саясат

Соңғы жаңалықтар

Одан да көп жаңалықтар біздің Телеграм-арнамызда!