11:43, 25 Ақпан 2021 | GMT +6
Қазақстандықтар медициналық қызметтерді бір ғана мекемеден алатын болады – Президент тапсырмасы
НҰР-СҰЛТАН. ҚазАқпарат – Қазақстан азаматтары медициналық қызметтерді бір ғана мекемеден алатын болады. Тиісті тапсырманы Ұлттық қоғамдық сенім кеңесінің отырысында ҚР Президенті Қасым-Жомарт Тоқаев жүктеді, деп хабарлайды ҚазАқпарат.
«Азаматтар өздеріне қажетті қызметтің барлығын бір ғана медициналық мекемеден алуға тиіс. Осы жобаны биылғы 1 шілдеден бастап сынақ ретінде, ал 2022 жылғы 1 қаңтардан бастап толыққанды жүзеге асыруды тапсырамын», - деді Мемлекет басшысы.
Еске салайық, осы уақытта ҚР Президенті Қасым-Жомарт Тоқаевтың қатысумен Ұлттық қоғамдық сенім кеңесінің бесінші отырысы өтіп жатыр.