Қазақстандық теннисшілер АҚШ-тағы турнирдің жеңімпазы атанды

None
None
НҰР-СҰЛТАН. ҚазАқпарат – Қазақстандықтар Андрей Голубев пен Александр Недовесов жұптық сында Орландо (АҚШ) челленджер турнирінің жеңімпазы атанды, деп хабарлайды ҚазАқпарат тілшісі.

Осы жарыстың 2-ракеткасы болып тіркелген А.Голубев пен А.Недовесов финалда америкалықтар Митчелл Крюгер мен Джексон Уитроумен бас жүлдені сарапқа салды.

Қазақстандық жұп бірінші партияда 7:5 есебімен басым түссе, екіншісінде де мүмкіндігін мүлт жіберген жоқ – 6:4.

Финалдық бәсеке 1 сағат 13 минутқа созылды.

Еске сала кетейік, бұдан бұрын қазақстандық теннисшілердің АҚШ-тағы турнирдің финалына шыққанын жазған болатынбыз.


Соңғы жаңалықтар