Қазақстандық теннисші Чехиядағы турнирдің финалына шықты

Доданың 1-ракеткасы болып тіркелген қазақстандық теннисші португалиялық Гонсалу Оливейрамен бірге алдымен чехиялықтар Эндрю Паулсон – Патрик Риклді 6:4, 6:3 есебімен ұтты.

Қазақстандық-португалиялық жұп ширек финалда аргентиналықтар Федерико Кориа – Факундо Менаны 6:2, 6:4 есебімен тізе бүктірді.

Жартылай финалда қарсыластары, боливиялықтар Уго Дельен мен Федерико Себальос жарысқа шықпағандықтан, А.Недовесов пен Г.Оливейра финалға ойнамастан өтті. Енді олар соңғы бәсекеде чехиялықтар Зденек Колар – Роман Жебавымен бас жүлдені сарапқа салады.

Сондай-ақ тағы бір қазақстандық Денис Евсеев өзбекстандық Денис Истоминмен бірге жұптық сында Алматы челленджер турнирінің жартылай финалына өтті. Қос Денис финалға шығу үшін украиналықтар Владислав Манафов – Виталий Сачкомен таласады.

Еске сала кетейік, бұдан бұрын Зара Дәркеннің Украинадағы турнирдің жартылай финалына шыққанын, Елена Рыбакинаның Берлин жарысының ширек финалына өте алмағанын жазған болатынбыз.