18:21, 12 Маусым 2021 | GMT +6
Қазақстандық теннисші Братислава турнирінің чемпионы атанды
НҰР-СҰЛТАН. ҚазАқпарат – Қазақстандық Александр Недовесов жұптық сында украиналық Денис Молчановпен бірге Братислава (Словакия) челленджер турнирінің чемпионы атанды, деп хабарлайды ҚазАқпарат тілшісі.
Осы доданың 1-ракеткалары болып тіркелген қазақстандық-украиналық жұп финалда нидерландылық Сандер Арендс – венесуэлалық Луис-Давид Мартинеспен бас жүлдені сарапқа
салды.
Қарсыластары да осал емес-тін, олар жарыстың 2-ракеткалары болатын.
А.Недовесов пен Д.Молчанов тартысты өрбіген бірінші партияда тай-брейкте сәтті ойнай білді – 7:6 (7:5).
Екінші сетте олар айқын басымдылық көрсетті – 6:1.
Финалдық матч 1 сағат 7 минутқа созылды.
Еске сала кетейік, бұдан бұрын қазақстандық теннисшінің Братиславадағы турнирдің, Т.Скатовтың Алматы жарысының финалына шыққанын жазған болатынбыз.
Дмитрий Попко Алматы турнирінің финалына шыға алмай қалды.