Қазақстандық өнім: AliBaba алаңында ұлттық сауда павильоны ашылады
«Биыл тамыз айында «QazTrade» ұлттық институты AliBaba-мен келісімшартқа қол қойды. Жыл соңына дейін біздің министрлік AliBaba-мен бірлесіп ұлттық виртуалды павильон ашуды жоспарлап отыр. Ол жерде (kazakhstan.alibaba.com) қазақстандық тауарлар сатылымға шығады. Бұл - қазақстандық тауарларды онлайн сатуға мүмкіндік беретін бөлек электронды сауда алаңы. Аталған платформа арқылы қандай отандық өнімдердің саудаға қойылғанын көруге және сатып алуға болады. Жалпы отандық өнімдерді электронды сауда алаңдарына шығару бойынша экспорттық келісімшарт 62,7 млн АҚШ долларын құрады. Электронды сауда экспорты бағадарламасына негізінен еліміздің шағын және орта бизнесі қатысып жатыр», - деді Өмірбек Баштай.
Бұған дейін Сауда және интеграция министрлігінің өкілі отандық 100 компания AliBaba-ның алтын аккаунтына ие болғанын айтқан еді.