Қазақстандық әуе компанияларын тексеру қашан аяқталады

НҰР-СҰЛТАН. ҚазАқпарат - ҚР Индустрия және инфрақұрылымдық даму министрлігінің кеңейтілген алқа мәжілісінде азаматтық авиацияның 2020 жылға арналған міндеттері сөз болды, деп хабарлайды ҚазАқпарат тілшісі.

Ұқсас жаңалықтар

Қазақстан мен Тәжікстан арасында әуе қатынасы қайта жанданады

Қазақстан мен Грузия арасында тұрақты әуе рейстері қайтадан ашылады Алматыдан Қырғызстанға әуе рейстері қайта жанданады

«Мемлекет басшысының тапсырмасымен бірінші жартыжылдықта тұрақты жолаушы тасымалымен айналысатын барлық авиакомпанияларды тексеру аяқталады. Жаңа реттеу моделіне сәйкес қауіпсіздікті арттыру жұмысы жалғасуда. Сондай-ақ, «Қазақстан авиация әкімшілігі» АҚ-ын білікті мамандармен толықтыру аяқталады және инспекторлар қажетті оқытудан өтеді. Осы жылы АҚШ-қа ұшу үшін FAA (АҚШ азаматтық авиациясының федералды басқармасы) аудитінен өтуіміз керек», - дейді ҚР Индустрия және инфрақұрылымдық даму вице-министрі Берік Қамалиев.

Жалпы алғанда, азаматтық авиация саласында негізгі көрсеткіштердің динамикасы тұрақты өсім көрсетуде. 2019 жылдың қорытындысы бойынша 8,6 млн жолаушы тасымалданған. Бұл 2018 жылдың сәйкес кезеңімен салыстырғанда 9% көп.

ҚР әуежайларында қызмет көрсетілген жолаушылар саны - 17,7 млн.