Қазақстандық атлет Олимпиада лицензиясын жеңіп алды

None
None
НҰР-СҰЛТАН. ҚазАқпарат –Анталья қаласында спорттық жүрістен Түркияның ашық чемпионаты аяқталды. Қазақстандық Айман Ратова турнирдің қола жүлдегері атанды деп хабарлайды Olympic.kz.

Айман Ратова 20 шақырымға созылған жарыста мәре сызығын үшінші болып кесті. Ол 1:29:31 уақыт көрсеткішін тіркеп, 2020 жылғы Олимпиада ойындарына іріктеу нормативін орындады.

Бірінші орынды украиналық Олена Собчук, екінші орынды түркиялық Мерием Бекмез иеленген.

Айта кетелік, Ратованың нормативін қоса есептегенде, Қазақстан құрамасында 14 спорт түрінен 28 лицензия бар.
Соңғы жаңалықтар