+7 (701) 759 90 19
USD 428.71 EUR 519.12
RUB 5.79 CNY 66.61
Jańalyqtar

Қазақстандағы вакциналар вирустың мутацияланған түріне қарсы тұра ала ма

2021 жылғы 9 сәуір 16:07
Бөлісіңіз:
Қазақстандағы вакциналар вирустың мутацияланған түріне қарсы тұра ала ма

АЛМАТЫ. ҚазАқпарат- Қазақстандықтарға салынып жатқан «Спутник V» вакцинасы коронавирустың мутацияланған штамдарына қарсы тұра алады. Бұл туралы онлайн брифинг барысында С. Асфендияров атындағы Қазақ ұлттық медициналық университетінің инфекциялық және тропикалық аурулар кафедрасының профессоры, медицина ғылымдарының докторы Күләш Құрманова айтты, деп хабарлайды ҚазАқпарат тілшісі.

Ұқсас жаңалықтар
Коронавирусқа шалдыққан 820 науқастың жағдайы ауыр – министрлік Коронавирустан бір тәулікте 1,7 мың адам жазылды Коронавирус бойынша бір тәуліктегі мәліметтер жарияланды

«Спутник V» және қазақстандық «QazCovid-in» вакцинасы - векторлық болып табылады және адам аденовирусының рекомбинантты бөлшектері, оларда коронавирус қабықшасының S протеині - антиденелер бөлінетін ақуыз бар. Бұл вакциналар кез келген мутацияланған коронавирус штаммдарына қарсы тиімді болады»,-дейді спикер.

Сонымен қатар, ол вакцина салдырған соң қалыптасатын иммунитет қанша уақытқа дейін жететінін айтты.

«Вакцина алған соң қалыптасатын иммунитет кем дегенде бір жылға шыдайды, ал кейбірінде оданда көп уақытқа барады. Бұл адам ағзасына байланысты. Ал, виурс жұқтырып, табиғи жолмен қалыптасқан иммунитетке келсек, ол да ауру түріне қарай болады. Мәселен, кейбірінде сырқат жеңіл өтуі мүмкін, олардың иммунитеті көп сақталмайды, тіптен болмауы да мүмкін. Сондай-ақ сырқат ауыр жүрген кезде науқастың иммундық жүйесін әлсіретіп жібереді, оларда да вирусқа қарсы иммунитет қалыптаспай қалады. Сондықтан вакцина алған дұрыс»,-дейді Күләш Құрманова.

Маман коронавируспен ауырған адамдар оңалтуды қажет ететінін жеткізді.

«Эпидемиологтар мен әртүрлі мамандықтағы дәрігерлердің, атап айтқанда инфекционистер, нефрологтар, эндокринологтар, неврологтар пікірімен келісемін. Коронавирус инфекциясы ішкі органдарды, әсіресе ми, жүрек, бүйрек, бауыр және тағы басқа ағзаны зақымдайды, оның салдары әр адамда ауруға дейінгі денсаулық жағдайына, инфекциялық процестің ауырлығына байланысты әр түрлі көрінеді. Сондықтан әр науқастың жағдайына жеке қарау қажет. Жалпы, физикалық тұрғыда белсенділік, дұрыс тамақтану, толық ұйқы, жаман әдеттерден бас тарту мұның бәрі иммунитетті көтереді»,-дейді профессор.


Біздің каналымызға жазылыңыз:

Бөлісіңіз:

Автор:

Алма Мұқанова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT