13:04, 07 Сәуір 2020 | GMT +6
Қазақстанда коронавирустан жазылғандар саны 47-ге жетті
АҚТӨБЕ. ҚазАқпарат - Ақтөбе облысында 1 адам коронавирус індетінен емделіп шықты, деп хабарлайды ҚазАқпарат.
Қазақстан бойынша жазылғандар саны 47-ге жетті.
Науқас ауруханаға 22 наурыз күні сағат 06.05-те келіп түскен. Испания арқылы транзитпен ұшып келген.
Зертханалық талдаулар вирус бар екенін дәлелденген. Вирусқа қарсы, симптоматикалық ем жүргізілді.
15-ші тәулікте КВИ-ға талдау алынды. Нәтижесі теріс болды. 7 сәуірде ауруханадан шығарылды. Жағдайы бірқалыпты.
Дәрігерлердің бақылауымен үй карантинінде 14 күн болады.
Еске сала кетейік, бұған дейін Қазақстанда коронавирус жұқтырғандар 670 адам болғанын хабарлаған едік.