19:48, 03 Сәуір 2020 | GMT +6

Қазақстанда COVID-19 күресуде психологиялық көмек сайты іске қосылады

НҰР-СҰЛТАН. ҚазАқпарат - ҚР Денсаулық сақтау министрлігінің Республикалық ғылыми-практикалық психикалық денсаулық орталығы БҰҰ жанындағы Балалар қорының (UNISEF) қолдауымен covid-19.mentalcenter.kz сайты құрылды, деп хабарлайды ҚазАқпарат ҚР ДСМ баспасөз қызметіне сілтеме жасап.

Халыққа психологиялық көмек көрсетуге және азаматтарды қолдау үшін құрылған сайт 4 сәуір – сенбі күні жұмысын бастайды.
«Қазіргідей қиын жағдайда-коронавирустық инфекция өршіген тұста адамдарды қолдау үшін (UNICEF, WHO, Төтенше жағдайда психикалық денсаулық және психо-әлеуметтік қолдау бойынша ведомствоаралық комитеттің жұмыс тобы) психологиялық көмектің үздік халықаралық тәжірибесі жинақталды.
Жаңа сайтта оқырман өз сұрақтарына жауап ала алады, психолог немесе психотерапевттер онлайн кеңес береді. Сізге сілтеме жазылған хабарлама келеді, сол арқылы келісілген уақытта маманмен онлайн байланысқа шығуға болады», деолінген хабарламада.
Бұл жобаға еліміздің барлық өңірлерінен денсаулық сақтау, білім беру, мемлекеттік, мемлекеттік емес секторлар жүйесінде жұмыс істейтін 50-ден астам маман қатысуда.

Тегтер:

Халықаралық ұйымдар Медицина ҚР Денсаулық сақтау министрлігі Қор рыногы Денсаулық

Соңғы жаңалықтар

Одан да көп жаңалықтар біздің Телеграм-арнамызда!