+7 (701) 759 90 19
USD 420.76 EUR 498.6
RUB 5.6 CNY 62.27
Jańalyqtar

Қазақстанда бірінші және екінші санаттағы жолдың үлесі 34% жетті

2020 жылғы 20 қаңтар 04:00
Бөлісіңіз:
Қазақстанда бірінші және екінші санаттағы жолдың үлесі 34% жетті

НҰР-СҰЛТАН. ҚазАқпарат - Қазақстанда бірінші және екінші санаттағы жолдардың үлесі 34% дейін жеткізілді, деп хабарлайды ҚазАқпарат Индустрия және инфрақұрылымдық даму министрлігіне сілтеме жасап.

Ұқсас жаңалықтар
Қазақстанда жол салу саласында 4 мыңдай маман жетіспейді Елімізде қандай жолдар жөнделіп жатыр Қазақстандағы жолдардың 88%-ның жағдайы қанағаттанарлық

Өткен жылдың қорытындысына сәйкес республикалық маңызы бар автомобиль жолдарының 8,2 мың шақырымы бүгінгі таңда бірінші және екінші техникалық санатқа жатқызылған. 2025 жылға қарай аталмыш көрсеткіш Қазақстандағы барлық жолдардың 60% дейін жеткізіледі деп жоспарлануда.

«Инфрақұрылымды дамытуға бағытталған «Нұрлы жол» бағдарламасының өткен бесжылдығы автомобиль жолдарының 3 мыңнан астам шақырымының құрылыс және реконструкциялау жұмыстарымен қамтылғанымен есте қалды. Сондай-ақ, 2015 және 2019 жылдардың аралығында жолшылар республикалық маңызға ие жолдардың шамамен 7 мың шақырымы мен жергілікті маңызы бар жолдардың 15 мың шақырымын жөндеді. Бұл өз кезегінде ел өңірлерінің қолжетімділігін жақсартуға мүмкіндік беріп, аймақтардың әлеуметтік-экономикалық дамуына серпін бергені сөзсіз» делінген хабарламада.

Тұтастай алғанда, Қазақстанда қозғалыс қарқыны тәулігіне 300 көліктен басталатын бірінші және екінші санаттағы жолдардың ұзақтығы өткен жылдардың көрсеткіштерімен салыстырғанда 34% дейін жеткізілді. Жаңа «Нұрлы жол» бағдарламасына сәйкес, аталмыш көрсеткіш бес жылдан кейін шамамен екі есеге артпақ. Осылайша, барлық республикалық маңызы бар автомобиль жолдарының жағдайы жақсы және қанағаттандырарлық болады деп жоспарланған.

Еске салайық, бүгінгі таңда республикалық маңыздағы автомобиль жолдарының 88% жоғарыда аталған сапа санатында. Сонымен қатар, 2025 жылға дейін облыстық және аудандық маңызға ие жолдардың 27 мыңнан астам шақырымы жөнделеді. Тиісінше, жақсы және қанағаттандырарлық жағдайдағы жергілікті жолдар желісінің үлесі 95% дейін жеткізілмек.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT