12:36, 15 Наурыз 2020 | GMT +6
Қазақстан және Қырғызстан премьер-министрлері телефон арқылы сөйлесті
НҰР-СҰЛТАН. ҚазАқпарат - Қазақстан Премьер-министрі Асқар Мамин Қырғызстан Үкіметінің басшысы Мухаммедкалый Абылгазиевпен телефон арқылы сөйлесті, деп хабарлайды Қазақстанның Қырғыз Республикасындағы елшілігінің баспасөз қызметі.
Әңгіме барысына тараптар қазақстандық-қырғыз ынтымақтастығының өзекті мәселелерін талқылады.
Үкімет басшылары азаматтар мен тауарлардың кедергісіз өтуі үшін мемлекеттік шекараның қазақстандық-қырғыз учаскесіндегі бақылау-өткізу пункттерінің одан әрі бірлескен және үйлесімді жұмысын қамтамасыз ету мәселесіне айрықша назар аударды. Бүгінде жүктерді тасымалдау үшін қазақстандық-қырғыз шекарасында ешқандай кедергі жоқ екені атап өтілді.