+7 (701) 759 90 19
USD 447.67 EUR 491.36
RUB 5.74 CNY 63.07
Jańalyqtar

Қазақстан Мұсылмандары діни басқармасы Covid-19 коронавирусіне қатысты мәлімдеме жасады

2020 жылғы 29 ақпан 00:42
Бөлісіңіз:
Қазақстан Мұсылмандары діни басқармасы Covid-19 коронавирусіне қатысты мәлімдеме жасады

НҰР-СҰЛТАН. ҚазАқпарат – Қазақстан Мұсылмандары діни басқармасы Covid-19 коронавирусіне қатысты мәлімдеме жасады, деп хабарлайды ҚазАқпарат.

Ұқсас жаңалықтар
Мемлекет басшысының халық алдына шығып, сабырға шақырғаны дұрыс болды – Шәрбану Бейсенова СҚО-да 143 мектеп қалыпты жағдайда білім беруді жалғастырады Түркістан облысында вирус жұқтырған үш адам Нұр-Сұлтаннан келген әйелмен байланыста болған

Мәлімдеме Қазақстан Мұсылмандары діни басқармасының ресми сайтында жарияланды.

«Бүгінде бүкіл әлем халқына коронавирус қаупі үрей сеуіп, дерттің өзінен гөрі күннен-күнге өршелене түскен дақпырты мен дабылы дүниежүзін дүрліктіруде. Жаңалықтан да еститініміз, жан-жақтағы жұрттың көбі шекарасын қымтап, қауіптің бетін алған бірқатар сақтық шаралары жүзеге асырылған. Аллаға шүкір, аталмыш дерттің біздің елімізде белгісі де жоқ, шеттен келген азаматтарымыз дін аман.

Алайда, «Сақтансаң – сақтаймын» демекші, төрткүл әлемге түгел қауіп төндірген дертке немқұрайлық танытып, немкетті қарау – өзіміз үшін ғана емес, жанымыздағы жандардың өміріне де әсерін тигізері бек мүмкін. Осы орайда, Қазақстан мұсылмандары діни басқармасы еліміздің әрбір азаматын қоғамдық орындарда тазалық ережелерін сақтап, өз денсаулықтарына асқан мұқияттылықпен мән беріп, сақтанып жүруге шақырады.

Алла Тағала қасиетті Құранда адамзат баласына: «Өздеріңді өз қолдарыңмен қауіп-қатерге салмаңдар», – деп ескерту жасаған. Алла берген аманат – өз өміріміз бен денсаулығымызға дұрыс күтім жасамай, қауіп-қатерге көзсіз ұрынар болсақ, түбінде опық жейтініміз сөзсіз.

Бұл туралы Алла елшісі (оған Алланың салауаты мен сәлемі болсын) өзінің бір өсиетінде: «Кімде-кім есінесе қолымен аузын жапсын, өйткені зиянды нәрселер аузына кіреді», – деп бұйырған.

Сондай-ақ, шариғатта жұқпалы аурулардың жай көзге көрінбейтін зиянды күші барын, білінбей тарайтынын және аурудың етек алуын тоқтатуда карантин қажет екені атап айтылған. Өйткені, Пайғамбарымыз (оған Алланың салауаты мен сәлемі болсын) адам баласының өзіне де, өзгеге де зиян келтуруіне қатаң түрде тыйым салған.

Құрметті, отандастар! Сізде жөтел пайда болып, бойыңызда дене қызуының жоғарылауы байқалса немесе тыныс алу қиынға соққан жағдайда, дер кезінде дәрігерге жүгінуге, сондай-ақ қоғамдық орындарға, тіпті мешітке келуді тоқтатып, құлшылықтарыңызды үйлеріңізде орындауға кеңес береміз!

Алла Тағала елімізді, халқымызды түрлі пәледен, аурудан, тіл-көзден сақтағай! Әмин!»,-делінген мәлімдемеде.

Айта кетейік, осыған дейін Мемлекет басшысы Қасым-Жомарт Тоқаев Үкіметке коронавирусқа қарсы жан-жақты шара қабылдауды тапсырған болатын.



Біздің каналымызға жазылыңыз:

Басты сөздер: Медицина, Дін, Коронавирус,
Бөлісіңіз:

Автор:

Қанат Мәметқазыұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT