Қазақстан Логистиканың тиімділік индексінде 6 позицияға көтерілді
«LPI рейтингісі бойынша, 2018 жылы Қазақстан Логистиканың тиімділік индексінде 2016 жылмен салыстырғанда 6 позицияға көтерілді, әлемнің 160 мемлекеті арасында 71-орынды иеленді», - деді ол.
Министрдің дерегінше, соңғы екі жылда Қазақстан позициясы жеткізу мерзімін сақтау бойынша – 50 орынға (42 позицияға), кеден жұмысының тиімділігі – 65 орынға (21 позицияға), логистикадағы компетенция – 90 орынға (2 позицияға) көтеріліп, көрсеткіштерін жақсартқан.
«Қазақстан позициясының жақсаруына кедендік декларацияға кететін уақыт шығындарының қысқаруы, кедендік және салықтық әкімшілендіру бойынша автоматтанған жүйе арқылы электрондық декларацияны енгізу әсер етті. «Нұрлы жол» мемлекеттік бағдарламасы аясында бақылау пункттерін жаңғырту, ақпараттарды электрондық алдын-ала енгізу жоспарланған. Бұл рейтингке оң әсер етеді», - деді Роман Скляр.