16:39, 15 Маусым 2020 | GMT +6
Қазақстан Қорғаныс министрі өзін-өзі оқшаулау режиміне көшті
НҰР-СҰЛТАН. ҚазАқпарат – Мәскеуде өтетін Екінші дүниежүзілік соғыстағы Жеңістің 75 жылдығына арналған іс-шараларға қатысуына байланысты қорғаныс ведомствосының басшысы генерел-лейтенант Нұрлан Ермекбаев 11 маусымнан бастап өзін-өзі оқшаулау режиміне көшті, деп хабарлайды аталған ведомствоның баспасөз қызметі.
Мерекелік іс-шараларға Қазақстан Қорғаныс министрі өзінің ресейлік әріптесі армия генералы Сергей Шойгудың шақыруымен барады.
Өзін-өзі оқшаулау бойынша шаралар шет елдерге бару тәртібін, дәрігерлердің ұсыныстарын, сондай-ақ санитарлық-эпидемиологиялық жағдайдың жай-күйін ескере отырып қабылданды.
Қорғаныс министрі жұмыс орнында. Бұл ретте оның қарамағындағылармен тікелей байланысы жоқ. Қорғаныс министрлігі мен қарулы күштер қызметіне басшылық ету телефон және бейнеконференцбайланысы арқылы жүзеге асырылады.
Өзін-өзі оқшаулау кезеңінде қорғаныс министрімен қажетті диагностикалық іс-шаралар жүргізіледі.
Өзін-өзі оқшаулау режимінің аяқталу күні туралы шешім ағымдағы жағдайды ескере отырып, Мәскеуден оралғаннан кейін қабылданады.