10:33, 26 Қазан 2021 | GMT +6
Қазақстан делегациясы климат өзгеруі жөніндегі БҰҰ конференциясына қатысады
НҰР-СҰЛТАН. ҚазАқпарат - Үкімет басшысы Асқар Мамин климаттың өзгеруі жөніндегі Біріккен Ұлттар Ұйымының негізгі конвенциясына қол қойған елдер конференциясының 26-сессиясына қатысады, деп хабарлайды ҚазАқпарат.
Бұл жайында Мемлекет басшысының баспасөз хатшысы Берік Уәли мәлімет таратты.
«Президент Қасым-Жомарт Тоқаев Премьер-Министр Асқар Маминге COP26 климаттың өзгеруі жөніндегі Біріккен Ұлттар Ұйымының негізгі Конвенциясына қол қойған елдер конференциясының 26-сессиясына қатысатын Қазақстан делегациясын басқарып баруды тапсырды» деп жазды ол Facebook парақшасында.
Айта кетейік, жиын Шотландияның Глазго қаласында өтеді.